ABŞ prezidenti Co Baydenin noyabrda keçiriləcək prezident seçkilərində iştirak etməmək qərarından sonra kriptovalyuta bazarında siyasətlə bağlı yeni tendensiyalar yaranıb. Son günlərin kriptovalyuta istifadəçilərinin diqqətinin yönəldiyi əsas fiqur ABŞ-ın vitse-prezidenti Kamala Harris olub.

Fins.az xəbər verir ki, real hadisələrin nəticələrinə mərc etmək üçün ən böyük kriptovalyuta platforması olan Polymarket-də treyderlər ABŞ seçkilərinin nəticələrindən gözləntilərinin qiymətləndirilməsini dəyişiblər. Harrisin ABŞ prezidenti olması ehtimalı son bir həftə ərzində təxminən 5 dəfə artaraq 29%-ə, ABŞ-ın keçmiş prezidenti Donald Trampa üstünlük vermə ehtimalı isə 72%-dən 62%-ə düşüb. ABŞ-ın seçki mərc bazarının həcmi 365 milyon dolları ötüb.

Polymarket-də siyasət mövzusu o qədər populyarlaşıb ki, Bloomberg məlumatlarına görə, iyul ayında platformada mərclərin həcmi 2024-cü il üçün ümumi məbləğin üçdə birinə qədər artım olub.

Kriptovalyuta bazarının digər seqmentlərində də aktivlik artır. Kamala Harrisin adı ilə əlaqəli memecoin Kamala Horrisin (KAMA) məzənnəsi son bir həftə ərzində təxminən 10 dəfə artaraq 35 milyon dollarlıq kapitallaşmaya çatıb. Coingecko-nun məlumatlarına görə, Trump-ın adı ilə əlaqəli TRUMP ticker, dəyərinin təxminən 20% -ni itirdi, baxmayaraq ki, onun kapitallaşması hələ də Kamala Horris tokeninin kapitallaşmasını təxminən səkkiz dəfə üstələyir.

Kaira Ağayeva 

Fins.az