“Bakı Beynəlxalq Dəniz Ticarət Limanı” QSC müasir infrastruktur imkanlarını artırır, bununla da dəniz və logistika sənayesinin artan ehtiyaclarını ödəməyə çalışır.

Fins.az  xəbər verir ki, bunu səhmdar cəmiyyətinin Baş əməliyyat direktoru Eugene Seeh Bakıda Qara Dəniz İqtisadi Əməkdaşlıq Təşkilatının (QDİƏT) URTA Baş Assambleyasının 42-ci iclası çərçivəsində Bakı Limanında təşkil edilmiş tədbirdə bildirib.

E.Seeh qeyd edib ki, limanın strateji yeri onu bütün Avrasiya yolu ilə malların maneəsiz hərəkəti üçün mərkəzi düyün edir.

O, həmçinin vurğulayıb ki, “Bakı Beynəlxalq Dəniz Ticarət Limanı” QSC Asiya və Avropanı effektiv şəkildə birləşdirən Orta Dəhlizdə regional əlaqələrin inkişafına töhfə verən ticarət, logistika və tədarük zəncirlərinin inkişafını dəstəkləyir:

“Bu strateji yol effektiv və sərfəli nəqliyyat imkanlarının inkişafını, ticarətin inkişafını və Avrasiya boyunca əlaqələrin inkişafını stimullaşdırmasına kömək edir. Liman ekoloji cəhətdən təsirli metodlardan, bərpa olunan enerji mənbələrinin istifadə etməklə və resursların məsuliyyətli idarə olunması ilə ətraf mühitə təsirini minimuma endirməyə çalışır, ekoloji sabitliyə böyük diqqət yetirir”.

Fuad Mədətov
Fins.az