Gündəlikdə Azərbaycandan Braziliyaya gübrə ixracının həcminin davamlı şəkildə artırılması məsələsi var.

Fins.az-ın məlumatına görə, bunu cümə axşamı Azərbaycan xarici işlər nazirinin müavini Elnur Məmmədov Braziliyanın Müstəqillik Gününə həsr olunmuş tədbirdə deyib.

“Ölkələrimiz arasında əmtəə dövriyyəsi artır və kənd təsərrüfatı istehsalının sabit artımını təmin etmək üçün Braziliya üçün vacib olan ölkəmizdən davamlı əsasda gübrə ixracının artırılması məsələsi gündəmdədir", - deyə Elnur Məmmədov bildirib.

Həmçinin, onun sözlərinə görə, hazırda müxtəlif sahələr üzrə bir sıra sənəd layihələri nəzərdən keçirilir.

"Ümumilikdə 15 saziş layihəsinə baxılır, onlardan ikisi təhsil və kənd təsərrüfatı üzrə sazişlərdir. Onların yaxın vaxtlarda imzalanması gözlənilir", - deyə nazir müavini əlavə edib.

Nazir müavini onu da bildirib ki, həm Azərbaycanda, həm də Braziliyada hər iki ölkənin mədəniyyətinə həsr olunmuş tədbirlər mütəmadi olaraq təşkil olunur. Bu il Azərbaycan və Braziliya arasında diplomatik əlaqələrin qurulmasının 30 illiyi ilə əlaqədar bir sıra tədbirlərin keçirilməsi nəzərdə tutulub.

©Trend