Dövlət Gömrük Komitəsindən (DGK) fins.az-a verilən məlumata görə, 2020-ci ilin yanvar-iyul aylarında Azərbaycan ilə Rusiya arasında ticarət dövriyyəsi 1 milyard 514.029 milyon dollar təşkil edib ki, bu da 2019-cu ilin eyni dövrü ilə müqayisədə 5,8% azdır.

Dövlət Gömrük Komitəsindən verilən məlumata görə, Rusiya ilə ticarət əməliyyatlarının payı 2020-ci ilin yanvar-iyul aylarında Azərbaycanın ümumi xarici ticarət dövriyyəsinin 10,07% -ni təşkil edib.

Hesabat dövründə Azərbaycan məhsullarının Rusiya Federasiyasına ixracının həcmi 430,762 milyon dollar təşkil etmişdir ki, bu da 2019-cu ilin yanvar-iyul ayları ilə müqayisədə 1,8% çoxdur. Ümumilikdə, Azərbaycan ixracatının 4.72% -i Rusiyaya tədarükün payına düşüb.

Yanvar-iyul aylarında Rusiya məhsullarının Azərbaycana idxalı 1 milyard 83.267 milyon dollar (azalma 8.7%) təşkil edib. Azərbaycana mal idxalının ümumi həcmində Rusiyadan tədarükün payı 18,36% təşkil etmişdir.

Beləliklə, Dövlət Gömrük Komitəsinin məlumatına görə, Azərbaycanın Rusiya Federasiyası ilə ixrac-idxal münasibətlərində mənfi saldosu 2020-ci ilin yanvar-iyul aylarında 652,505 milyon dollar təşkil etmişdir.

Daha əvvəl bildirildiyi kimi, 2019-cu ildə Azərbaycan ilə Rusiya arasında ticarət dövriyyəsi 3 milyard 22 milyon 46 min ABŞ dolları təşkil edib ki, bu da 2018-ci illə müqayisədə 18,5% çoxdur.