İnnovasiyalar Agentliyinin nəzdində fəaliyyət göstərən Barama İnnovasiya və Biznes İnkubasiya Mərkəzinin 12 həftə davam edən Pre-akselerasiya proqramının yekununa dair onlayn təqdimat tədbir keçirilib.

Fins.az xəbər verir ki, bu barədə İnnovasiyalar Agentliyi məlumat yayımlayıb

Məlumata görə,ABC planet startapı artıq ABŞ-ın Kaliforniya Ştatındakı Silikon Vadisində fəaliyyət göstərən "Draper" Universiteti və "Scaleink" onlayn biznesin inkişafı platformasının təşkil etdiyi beynəlxalq sertifikasiya porqramına qəbul edilib. Pre-akselerasiya proqramında iştirak edən layihələr gələcəkdə həmin universitetin investisiya imkanlarından və Silikon Vadisinin "network" fürsətlərindən istifadə edə biləcəklər. "İŞIQ" layihəsi bir sıra beynəlxalq universitetlərlə, o cümlədən Arizona Dövlət Univesiteti və Kanadanın Britaniya Kolumbiyası Universiteti ilə strateji əməkdaşlıq və partnyorluq müstəvisində ilkin danışıqlara başlayıb.

İnnovasiyalar Agentliyi layihələrin beynəlxalq təşkilatlara və maliyyə fondlarına çıxış imkanlarının yaradılması üçün danışıqlar aparıb. Belə ki, "Boğaziçi Ventures", "Startup Grind" icması, "Seedstars"-dan olan aparıcı nümayəndələrlə layihələr arasında tanışlıq prosesi davam etdirilir. İnnovasiyalar Agentliyi, Barama Pre-akselerasiya proqramının məzun layihələrinə göstərdiyi dəstəyi və qarşılıqlı fəaliyyətini bundan sonra da davam etdirəcək.

Təqdimat, COVID – 19 pandemiyası dövrünə təsadüf etdiyi üçün  48 dəqiqə ərzində Facebook və Youtube platformalarından canlı yayımlanıb. Canlı yayım zamanı dünyanın müxtəlif ölkələrindən dəvət olunan investisiya fondlarının nümayəndələri, o cümlədən “Impact Hub”, “Startup Grind” və “Seedstars” kimi dünyaca məşhur startap hərəkatlarının nümayəndələri iştirak edib.

Agentliyin məlumatında "ötən ilin noyabr ayında elan olunan Pre-akselerasiya proqramına qatılmaq üçün 60-dan artıq layihə müraciət etmişdi. 3 mərhələli müsabiqənin nəticəsinə əsasən  5 layihə proqramın iştirakçısı olmaq imkanı əldə edə bildi. Qalib 5 startap komanda 12 həftəlik Pre-alselerasiya proqramına sadəcə ideya mərhələsində qatılan startaplar proqramın sonunda öz məhsullarının ilkin istifadə edilən versiyalarını hazırlayıb təqdim edə bildilər. -deyə qeyd olunur 

Baramanın Pre-akselerasiya proqramını İŞIQ - Karyera qurmaq üçün bələdçiABC Planet - Məktəbəqədər yaşlı uşaqlar üçün Dualingo,AIDAtoolkit - Kontent yaratmaq və komanda ilə işləmək üçün vahid platforma,WinFi - Wi-Fi sahiblərini və Wi-Fi istifadəçilərini bir araya gətirən tətbiq,DOGET - Peşəkarlarla müştəriləri anında birləşdirən platforma tamamlayıb

Proqram müddətində ümumi mentorların 60%-i beynəlxalq, 40%-i isə yerli olmaqla 50-dən artıq mentor startaplara bütün sahələr üzrə peşəkar dəstək göstərib. Mentorluq proqramı prosesində İordania, ABŞ, Türkiyə, Hindistan, Pakistan, Rusiya, Serbiya, Bolqarıstan, Ukrayna, Gürcüstan, Almaniya, Birləşmiş Krallıq, İtaliya, İspaniya  və başqa xarici ölkələr, eyni zamanda da “Impact Hub”, “500 Startups”, “Startup Grind”, “GiX”, “Delloite” kimi beynəlxalq qurumlar ilə əməkdaşlıq edilib.

Pre-akselerasiya proqramında iştirak edən layihələrin gələcəkdə müxtəlif beynəlxalq proqramlarda iştirakına hədəflənərək, layihələrin inkişafı beynəlxalq startap kriteriyalarına uyğun aparılıb.

Pre-akselerasiya proqramında xarici mentorlarla sessiyalar onlayn keçirildiyi üçün pandemiya dövrü proqramın fəaliyyətində heç bir problem yaratmayıb, proqram nəzərdə tutulan gücü ilə davam edib.

Müəllif:Aynur Qəniyeva