ABŞ-ın İT nəhəngi “Microsoft” korporasiyasının baş direktoru Satya Nadella “Financial Times” qəzetinin versiyası üzrə “İlin adamı” seçilib.

"Gazeta.ru" xəbər verir ki, Nadellanın vəzifədə olduğu təxminən altı ildə “Microsoft”un səhmdarlarının ümumi gəliri 2019-cu ilin noyabrının sonuna olan nəticələrə əsasən bir trilyon dolları keçib.

Baş direktor mükafata kompaniya qarşısındakı xidmətləri və “texnologiya sahəsindəki maqnatlar arasında xüsusi yeri”nə görə layiq görülüb.

Nadellanın “Microsoft”u texnologiya sahəsində çalışan şirkətlər sırasında zirvəyə qaytardığı qeyd olunub.