Finss.az xəbər verir ki, Neft qiymətləri cümə günü və ümumilikdə ötən həftə ərzində kifayət qədər aktiv artımdan sonra bazar ertəsi səhər mülayim şəkildə yüksəlir.

Londonun ICE Futures birjasında Brent markalı neftin sentyabr fyuçerslərinin qiyməti, Moskva vaxtı ilə saat 8:11-ə olan məlumata görə, 0,18 dollar (0,26%) bahalaşaraq 70,54 dollar/barelə çatıb. Ötən cümə günü bu kontraktlar 1,72 dollar (2,5%) artaraq 70,36 dollar/barel olub.

Nyu-York əmtəə birjasının (NYMEX) elektron ticarətində avqust ayı üçün WTI neftinin fyuçersləri bu vaxta qədər 0,18 dollar (0,26%) bahalaşaraq 68,63 dollar/barelə çatıb. Əvvəlki sessiyanın yekunlarına görə, bu müqavilələrin dəyəri 1,88 dollar (2,8%) artaraq bir barel üçün 68,45 dollar təşkil edib.

Son bir həftədə Brent 3%, WTI 2,2% bahalaşıb.