Finss.az - Beynəlxalq analitik agentlik SP Global 2025–2029-cu illər üzrə sənaye metalları bazarına dair uzunmüddətli qiymət proqnozlarını yeniləyib.

Analitiklər proqnozlarda 0,3–1,7% arasında azalma gözləyirlər və bunu qlobal ticarət münaqişələrinin kəskinləşməsi fonunda tələbin zəifləməsi ilə əlaqələndirirlər. Buna baxmayaraq, metallara olan ümumi maraq və tələb əsaslı qiymət artımları bir sıra metal növlərində qorunub saxlanılır.

Xüsusilə mis, platin və palladiym bazarları ən perspektivli sahələr olaraq qalır. Proqnozlara görə, misin qiyməti 2025-ci ildə ton başına 9,450 dollar səviyyəsinə yüksələrək, 2029-cu ildə 10,000 dollar həddinə yaxınlaşacaq. Platinin unsiyası 1,010 dollardan 1,170 dollara, palladiymin qiyməti isə 998,5 dollardan 1,000 dollara qədər artım göstərə bilər.

Digər tərəfdən, alüminium, nikel, sink və qurğuşun qiymətləri makroiqtisadi və sektoral çətinliklər səbəbindən məhdudlaşır. 2025-ci ildə alüminiumun ton qiymətinin 2,550 dollaradək azalması, nikelin isə 16,400 dollara enməsi ehtimal edilir. Sink qiymətləri isə Çin bazarında yüksək ehtiyatlar və zəif tələbdən dolayı təzyiq altındadır.

Mis qiymətlərinin yüksəlməsi elektromobillərin və bərpa olunan enerji sektorunun sürətli inkişafı ilə bağlıdır. Nikel istehsalı batareyalar sahəsindəki artımla dəstəklənir, lakin İndoneziyanın rəqabəti nikel bazarında risk yaradır. Alüminium qiymətləri isə Çinin tətbiq etdiyi ixrac kvotaları fonunda artım göstərə bilər. Platinin və palladiymin artımı isə avtomobil sənayesi və investisiya tələbinin artması ilə bağlıdır.

Beləliklə, sənaye metalları bazarında mürəkkəb qlobal şəraitə baxmayaraq, bəzi metal növlərinin uzunmüddətli perspektivləri müsbət qiymətləndirilir.