Finss.az -  Çin neyron şəbəkəsi DeepSeek-in populyarlığının artması, Çin fond birjasına böyük investor axınına səbəb olub.

Yanvar ayının sonlarından etibarən geniş şəkildə tanınan bu neyron şəbəkəsi, xüsusilə texnologiya sahəsində fəaliyyət göstərən şirkətlərin səhmlərinə marağı artırıb.

Bloomberg-in verdiyi xəbərə görə, son bir ayda Çin bazarına təxminən 1,3 trilyon dollar yeni vəsait daxil olub. Bu rəqəm, xüsusilə iri hedc fondlarının yatırımları ilə formalaşıb. Mütəxəssislər, bu artımın səbəblərindən birinin DeepSeek-in Çindəki süni intellekt ekosisteminin inkişafında əhəmiyyətli rol oynayan şirkətləri önə çıxarması olduğunu bildirirlər.

Digər tərəfdən, Hindistan fond birjası çətin günlər keçirir. Son zamanlarda bazara daxil olan vəsaitlərdə təxminən 720 milyard dollar dəyərində çıxış müşahidə olunub. Bəzi ekspertlər, investorların Hindistan qiymətli kağızlarını sataraq, Çinin bazarlarına yönəldiklərini irəli sürürlər.

Eastspring Investments şirkətinin Asiya bazarları üzrə analitiki Ken Vong, DeepSeek-in Çində süni intellekt sahəsindəki şirkətləri önə çıxardığını və bu səbəbdən investorların diqqətini cəlb etdiyini qeyd edib.

Bu inkişaflar, Çin və Hindistan bazarları arasında yeni bir iqtisadi dövrün başlanğıcı olaraq qiymətləndirilir.