PAŞA Kapital ölkənin aparıcı investisiya şirkətlərindən biri olaraq, müştərilərinə geniş miqyaslı maliyyə xidmətləri təqdim edir. Şirkət, yerli və beynəlxalq bazarlarda ticarət olunan qiymətli kağızlar və törəmə maliyyə alətlərinin alınması və satılması üzrə vasitəçilik (broker) xidməti göstərir.

Fins.az xəbər verir ki, bu xidmətlərdən istifadə edərək müştərilər Bakı Fond Birjasında tədavül olunan 2000-ə yaxın şirkətin səhm və istiqrazlarını, həmçinin dövlət istiqrazlarını əldə edə bilərlər. PAŞA Kapital vasitəsilə Avropa ölkələrinin aparıcı fond birjalarına çıxış əldə edərək beynəlxalq səviyyədə ticarət imkanlarından faydalana bilərsiniz. Bundan başqa, uzunmüddətli kapital qoyuluşu üçün nəzərdə tutulmuş investisiya fondları, ETF-lər və strukturlaşdırılmış maliyyə alətləri də təklif olunur.

Müştərilərin likvidlik ehtiyaclarını qarşılayan repo əməliyyatları və valyuta risklərini azaltmaq üçün forvard, svop və opsion müqavilələri də mövcuddur. PAŞA Kapitalın təcrübəli komandası "ən yaxşı qiymət prinsipi" ilə rəqabətli xidmət haqqı qarşılığında bazarda lider mövqeyini qoruyur.

Fuad Mədətov
Fins.az