Aprelin 30-da keçirilən hərraca çıxarılan əmlaklara 74 sifariş qəbul edilib. Hərrac rəqabətli keçib.

Fins.az xəbər verir ki, İqtisadiyyat Nazirliyi yanında Əmlak Məsələləri Dövlət Xidməti tərəfindən keçirilən növbəti hərracda 17 nəqliyyat vasitəsi satılıb.

Hərrac rəqabətli keçib. Belə ki, ilkin qiyməti 9.000 manat olan “Hyundai Equus” markalı markalı avtomobil 17.600 manata satılıb. Start qiyməti 9.500 manat olan “Lexus-ES-350” markalı nəqliyyat vasitəsi isə 13.100 manata özəlləşdirilib.

Hərracda satılan nəqliyyat vasitələrinin siyahısı ilə //clck.ru/3APvdd linki vasitəsilə tanış olmaq olar.

Növbəti hərraclar 7, 14, 21 və 29 may tarixlərində keçiriləcək. Hərraclara səhmdar cəmiyyətlərinin səhm paketi, avadanlıq və nəqliyyat vasitəsi çıxarılacaq.

İştirak etmək istəyənlər Xidmətin rəsmi saytından (emlak.gov.az) və ya Özəlləşdirmə portalından (privatization.az) hərraca çıxarılan dövlət əmlakı üzrə seçim edə bilər. Elektron Xidmətlər Portalında (e-emlak.gov.az) qeydiyyatdan keçməklə, dövlət əmlakının ilkin hərrac qiymətinin 10 faizi məbləğində behi ödəyərək iştirakçı statusu əldə etmək olar.