ABŞ və Böyük Britaniyanın sənayedə istifadə olunan Rusiya istehsalı metallara qarşı sanksiyaları elan etməsindən sonra alüminium London Metal Birjasında rekord gündəlik artım qeydə alıb.

Fins.az xəbər verir ki, alüminium 9,4 faiz bahalaşıb. Bu da cari müqavilə növü ilk dəfə 1987-ci ildə ticarət edildiyindən bəri ən sürətli göstəricidir.

Nikel tədarük zəncirinin pozulması ilə bağlı narahatlıqlar səbəbiylə 8,8 faiz artsa da, daha likvid bazar olan misdə qiymətlər sabit qaldı.

Rusiya sənaye üçün vacib olan metallarda qlobal nikel istehsalının 6 faizini, alüminiumun 5 faizini və misin 4 faizini təmin edir.

Şanxay Dongwu Jiuying İnvestisiya Menecmentinin tədqiqat meneceri Jia Zheng bildirib ki, dərhal qiymət dəyişikliyi “sanksiyaların Rusiyanın Qərb bazarlarına axınını azaldacağına dair narahatlıqlar”la təkan verib.

Qeyd edək ki, keçən həftə elan edilən sanksiyalar Rusiyanın müharibə qabiliyyətini azaltmaq məqsədi daşıyır. Sanksiyaların Rusiya metal ticarətini dayandıracağı gözlənilməsə də, tədarük zəncirindəki narahatlıqlar əmtəə bazarlarında qeyri-müəyyənliyi artırır.

Günel Məlikzadə
Fins.az