Honq-Konqun Hang Seng indeksi Asiya-Sakit Okean regionunda 2 faizdən yuxarı qalxıb. İnvestorlar FED-in faiz dərəcələri ilə bağlı növbəti addımı üçün ton təyin edəcək ABŞ məşğulluq məlumatlarını gözləyirlər. İndeks sonuncu dəfə  2,1% artımla alınıb.

Fins.az Bloomberg-ə istinadən xəbər verir ki, Avstraliyanın SP/ASX 200 indeksi 0,34 faiz bahalaşıb. Cənubi Koreyanın Kospi indeksi ilk ticarət saatında 0,53%, Kosdaq indeksi isə 0,98 faiz artıb.

Yaponiyada Nikkei 225 və Topix müvafiq olaraq 0,14 faiz və 0,09 faiz dəyər itirib.

Çin bazarları bir həftəlik tətil üçün bağlı qalacaq.

ABŞ-da hər üç əsas indeks bir gecədə cüzi itkilərə məruz qalıb. Dow Jones Industrial Average 9,98 bənd və ya 0,03 faiz dəyər itirərək 33 119,57 bənddən bağlanıb. SP 500 indeksi 0,13 faiz azalaraq 4 258,19 bənd, Nasdaq isə 0,12 faiz azalaraq 13 219,83 bənddən alınıb.

Günel Məlikzadə
Fins.az