Martın 3-də keçirilən valyuta hərracında manatın orta çəkili məzənnəsi 1,7 AZN/$1 təşkil edib. Bu barədə fins.az-a Azərbaycan Mərkəzi Bankından məlumat verilib.

“Bu gün AMB Dövlət Neft Fondunun iştirakı ilə valyuta hərracı keçirib. Hərracda manatın orta çəkili məzənnəsi 1,7 AZN/$1 səviyyəsində formalaşıb”, - deyə AMB-nin məlumatında bildirilir.

AMB 2017-ci il yanvarın 12-dən etibarən yeni formatda hərrac mexanizminin tətbiqinə başlayıb. Hərrac birtərəfli valyuta satışı formasında və rəqabətli qaydada keçirilir və sifarişlər ən yüksək qiymətdən ən aşağı qiymətə doğru təmin edilir.