Finss.az - Azərbaycan Mərkəzi Bankının (AMB) açıqlamasına görə, 2025-ci ilin aprel ayının 1-nə əhalinin banklardakı əmanətlərinin ümumi məbləği əvvəlki ilin eyni dövrü ilə müqayisədə 14,6 faiz artaraq 15 milyard 74 milyon manat təşkil edib.

AMB-dan verilən məlumatda bildirilib ki, bu əmanətlərin 66,9 faizi milli valyutada, 33,1 faizi isə xarici valyutada yerləşdirilib. Xarici valyutada qoyulmuş əmanətlərin həcmi ötən ilin müvafiq dövrü ilə müqayisədə 7,9 faiz artarkən, milli valyutada olan əmanətlər 18,3 faiz artım göstərib.

Bu göstəricilər ölkə iqtisadiyyatına olan vətəndaş etimadının gücləndiyini və milli valyutaya marağın artdığını təsdiqləyir.