Rabitəbank, bizneslərin anbar ehtiyaclarını qarşılamaq və məhsul tədarükünü artırmaq üçün "Anbar Maliyyələşdirilməsi" xidmətini təqdim edir.

Finss.az xəbər verir ki, bu xidmət, anbar idarəçiliyi və ehtiyatların saxlanılmasında sahibkarlara maliyyə dəstəyi verir. Xidmətin məqsədi, xaricdən və ya yerli təchizatçılardan alınan mal və xammalın girovu əsasında anbar qalığının maliyyələşdirilməsini təmin etməkdir.

Rabitəbankın təqdim etdiyi bu maliyyələşdirmə xidməti, hüquqi şəxslər və sahibkarlıq fəaliyyəti ilə məşğul olan fiziki şəxslər üçün nəzərdə tutulub. Xidmətə müraciət edənlər, minimum 50 000 AZN, maksimum isə 1 000 000 AZN ekvivalentində maliyyə dəstəyi əldə edə bilərlər. Maliyyələşdirmə müddəti 1 ilə 12 ay arasında dəyişir, faiz dərəcəsi isə məbləğə bağlı olaraq 6%-dən 16%-ə qədər müəyyən olunur.

Müəyyən edilmiş şərtlər altında, kredit ödənişləri aylıq faiz ödənişləri şəklində həyata keçirilir və əsas məbləğ, anbardan azad olunan məhsulun dəyəri ilə ödənilir. Xidmətin təminatı anbar qalığı, mal və xammal qalığı ilə yanaşı, direktor və təsisçinin zaminliyindən ibarətdir.

Həmçinin, Rabitəbank, xaricdən gətirilən mal və xammalın çatdırılması üçün müxtəlif nəqliyyat vasitələrindən (avtomobil, hava, dəniz və dəmiryolu nəqliyyatı) istifadə etməyi təmin edir. Müəssisələrə verilən maliyyə dəstəyi, məhsulların sığortalanması və təhlükəsiz daşınması şəraitində həyata keçirilir.

Ətraflı məlumat üçün keçid: //www.rabitabank.com/biznes/kreditler-biznes-aze/warehouse-financing

Fuad Mədətov
Finss.az