"Bank BTB" ASC, kiçik və orta sahibkarlığın inkişafını dəstəkləmək məqsədilə kredit imkanları təqdim edir.

Finss.az xəbər verir ki, kreditlər 1 000 000 AZN ekvivalentinə qədər məbləğdə və maksimum 36 ay müddətinə təklif olunur. İllik faiz dərəcəsi AZN valyutası üçün 17%-dən, USD valyutası üçün isə 7%-dən başlayır. Komissiya haqqı minimum 1% təşkil edir, faktiki illik faiz dərəcəsi isə AZN üçün 16,36%-ə qədər ola bilər.

Kreditlər üçün tələb olunan sənədlər şəxsiyyəti təsdiq edən sənəd və sahibkarlıq fəaliyyətini, gəlirləri təsdiq edən sənədlərdir. Kreditin təminatı olaraq daşınmaz əmlak tələb olunur, lakin girovun sığortalanması və qiymətləndirilməsi zəruri deyil.

Bundan əlavə, "SME Kredit Xətti" xidmətinə əsasən, müştərilərə 12, 24 və ya 36 ay müddətində kredit xətti verilə bilər. Bu kredit xətti həm AZN, həm də USD valyutasında təqdim olunur və kart aktiv olduğu dövrdə faizlər hər ay tam ödənilməlidir. Kreditin rəsmiləşdirilməsi üçün komissiya minimum 1% müəyyən edilmişdir.

Ətraflı məlumat üçün keçid: //www.btb.az/az/individual/loans/kicik-ve-orta-sahibkarligin-inkisafi-uecuen-kredit-1

Fuad Mədətov
Finss.az