"Bank BTB" ASC mikro kredit xidməti fərdi sahibkarlar və hüquqi şəxslər üçün təqdim olunur.

Finss.az xəbər verir ki, kreditlər Azərbaycan Respublikasının bütün inzibati rayonlarında fəaliyyət göstərən müştərilər üçün əlçatandır. Müştərinin cari iş fəaliyyəti üzrə stajı ən azı 12 ay olmalıdır. Kredit müraciəti üçün tələb olunan sənədlər arasında şəxsiyyət vəsiqəsi və müştərinin fəaliyyətini, gəlirlərini və yaşayış yerini təsdiq edən məlumatlar yer alır.

Kreditin müddəti 1 ilə 48 ay arasında dəyişir və kreditin valyutası AZN və ya USD ola bilər. Rəsmiləşdirmə komissiyası 1-18 ay müddətli kreditlər üçün 1%, 19-48 ay müddətli kreditlər üçün isə 1,5% təşkil edir. Nağdlaşma komissiyası isə 0% müəyyən edilib.

Kreditin illik faiz dərəcəsi AZN valyutası üçün 18-26%, USD valyutası üçün isə 12-16% arasında dəyişir. Kreditin məbləği minimum 500 AZN ekvivalentindən başlayır və maksimum 50.000 AZN ekvivalentinə qədər ola bilər.

Kreditin təminatı olaraq rəsmi gəliri olan zamin, depozit, qızıl, daşınmaz əmlak, nəqliyyat vasitələri, ev əşyaları, dövriyyə malları və əsas vəsaitlər qəbul edilir.

Ətraflı məlumat üçün keçid: //www.btb.az/az/individual/loans/mikro-kredit-15

Fuad Mədətov
Finss.az