Finss.az - Dünya Bankı bu gün Azərbaycan üçün Bərpaolunan Enerjinin Miqyasının Genişləndirilməsi Layihəsini (AZURE) təsdiq edib.

Bu barədə beynəlxalq maliyyə qurumundan bildirilib.

Məlumata görə, layihə Azərbaycanın elektrik ötürücü şəbəkəsini gücləndirəcək və ölkəyə öz enerji gücünü şaxələndirmək imkanı verəcək. 173,5 milyon ABŞ dolları məbləğində kredit Azərbaycanın enerji infrastrukturunu genişləndirmək və müasirləşdirmək səylərini dəstəkləyəcək.

Qeyd edək ki, layihə ilkin mərhələdə 384 milyon dollar məbləğində özəl investisiyaların reallaşdırılmasına kömək edəcək və bərpaolunan enerjiyə gələcək investisiyalar üçün yol açacaq. Etibarlı, sərfəli və dayanıqlı elektrik enerjisi çatdırılmasına imkan verəcək bu layihə ölkəmizin enerji təhlükəsizliyi ilə bağlı uzunmüddətli baxışına nail olmaqda kömək edəcək.