COP29 çərçivəsində keçirilən dəyirmi masada Avropa Yenidənqurma və İnkişaf Bankının (AYİB) prezidenti Odil Reno-Basso, iqlim maliyyəsi ilə bağlı ən böyük gözləntinin Yeni Kollektiv Kəmiyyət Hədəfi (NCQG) olduğunu bildirib.

Fins.az xəbər verir ki, Reno-Basso, beynəlxalq maliyyə institutlarının ölkələrə və layihələrə maksimum dəstək verdiyini, bu məqsədlə iqlim nəticələrini ölçmək üçün ümumi yanaşma hazırladıqlarını qeyd edib.

Hədəf, özəl kapitalı səfərbər edərək və ictimai təşəbbüslərin təsirini artıraraq daha çox iqlim maliyyəsi təmin etmək və səmərəliliyi artırmaqdır. O, həmçinin, iqlimə investisiyaları artırmaq və davamlı nəticələri gücləndirmək üçün platformalar yaratmağı hədəflədiklərini vurğulayıb.

COP29 çərçivəsində Azərbaycanın ev sahibliyi etdiyi bu tədbir, regionda ilk dəfə təşkil olunur və 2024-cü ilin noyabrında Bakı Stadionunda keçirilir. Burada, yaşıl enerji dəhlizləri, təmiz hidrogen və digər təşəbbüslər müzakirə ediləcək.
 

Zemfira Ms
Fins.az