Çin Mərkəzi Bankı ölkənin 2024-cü il üçün 5% böyümə hədəfini dəstəkləmək məqsədilə əhəmiyyətli bir stimullaşdırma paketini təqdim etdi.

Fins.az xəbər verir ki, Mərkəzi Bankı-nin rəhbəri Pan Gongsheng, yeddi günlük tərs repo faizinin 1,7%-dən 1,5%-ə endirildiyini, məcburi ehtiyatların isə 0,5 faiz bəndi azalaraq 1 trilyon yuan (142 milyard dollar) likidlik təmin ediləcəyini bildirdi. Bu tədbirlər, məcburi ehtiyatları 2020-ci ildən bəri ən aşağı səviyyəyə endirəcək.

Bundan əlavə, Orta müddətli borc vermə müəssisəsi faiz dərəcəsinin 0,3 bənd azaldılması gözlənilir. Çinin bu il rezerv tələblərini 0,25-0,5 bənd daha azaltması planlaşdırılır, amma bu endirim kiçik banklara təsir etməyəcək.

Çin Mərkəzi Bankı, mənzil kredit faizlərini endirərək ikinci mənzil alımlarını tənzimləyən qaydaları da yumşaldıb. İkinci mənzil alanlar üçün ilkin ödəniş nisbəti 25%-dən 15%-ə endirilib. Eyni zamanda, səhmlər bazarlarını dəstəkləmək məqsədilə qiymətli kağızlar şirkətləri, fondlar və sığorta şirkətləri mərkəzi bankın resurslarından faydalana biləcək.

Maliyyə bazarları paketi müsbət qarşılayıb, CSI 300 beşinci işlem günündə artıda qalıb, 10 illik istiqrazların gəliri isə 2%-ə geriləyib. Lakin iqtisadçılar, paketlərin Çin iqtisadiyyatının problemlərinə tam həll gətirmədiyini, daha geniş tədbirlərin lazım olduğunu vurğulayıblar. ANZ Çin İqtisadçısı Raymond Yeung, mənzil kredit faiz endiriminin bazarı nə qədər bərpa edəcəyindən əmin olmadıqlarını qeyd edib. Eastspring Investments-in Səhm Analitiki Ken Wong isə daha çox tədbirin dördüncü rübdə böyüməni möhkəmləndirmək üçün zəruri olduğunu bildirib.