Xalq Bank və “Baku City Residences” şirkəti yeni əməkdaşlıq layihəsinə imza atıblar. Belə ki, xüsusi imtiyazlara malik yeni “Sakin Kart” premium ko-brend kartı “Baku City Residences” sakinlərinin istifadəsinə verilib.

Fins.az xəbər verir ki, Visa beynəlxalq ödəniş sistemi tərəfindən dəstəklənən “Sakin Kart” Visa Platinum və Visa İnfinite olmaqla təqdim edilir. Sakinlər kartın müxtəlif loyallıq imkanlarından faydalana biləcəklər. Belə ki, “Sakin kart” həm ölkə daxilində, həm də xaricdə aparılan nağdsız ödənişlərdən 2% keşbek qazandırmaqla yanaşı, kartdakı vəsaitin qalığına illik 5 %-lə əlavə gəlir hesablanır. Kartla istənilən bankın bankomatlarında vəsait nağdlaşdırmaq, ölkədaxili bütün kartlara komissiyasız köçürmə etmək və digər nağdsız əməliyyatlar aparmaq mümkündür.

Eyni zamanda, “Sakin Kart” vasitəsilə tərəfdaş şəbəkələrindən alış-veriş zamanı 40%-dək keşbək və digər endirimlərdən yararlanmaq olar.

“Sakin Kart” vasitəsilə Visa ödəniş sisteminin təqdim etdiyi dünyanın istənilən nöqtəsində premium xidmətlərdən rahatlıqla faydalanmaq mümkündür.  Bu kartlarla səfər zamanı tibbi dəstək xidməti, 24/7 peşəkar Visa konsyerj servisi, LoungeKey proqramı çərçivəsində müxtəlif hava limanlarının biznes zallarına ödənişsiz keçid, hava limanlarında pulsuz sürətli keçid (Fast Track), müxtəlif ölkələrə viza alınması dəstəyi və havalimanlarına pulsuz transfer xidmətindən istifadə etmək olar.

2004-cü ildə əsası qoyulan Xalq Bank qısa zamanda müştərilərin etibarlı tərəfdaşına çevrilib. Hal-hazırda regionun ən dinamik inkişaf edən maliyyə qurumlarından biri olan Xalq Bank, öz müştərilərinə ən qabaqcıl və əlverişli xidmətləri təklif edir. Xalq Bank peşəkar heyəti, geniş filial şəbəkəsi və onlayn servisləri ilə hər zaman müştərilərin xidmətindədir.

“Baku City Residences” Azərbaycan daşınmaz əmlak bazarında 10 illik zəngin təcrübəyə malik olan bir brenddir. Müasirliyi və komfortu özündə birləşdirən “Baku City Residences”, müştərilər üçün ehtiyac duyulan xidmətləri vahid məkanda əlçatan edir. “Baku City Residences” qısa müddət ərzində düşünülmüş rahatlığı ilə seçilən “Baku City Residences Olimpik”, “Baku City Residences Khatai”, “Bayıl Bay”, “Yacht Club Residences”, “Şuşa City Residences” kimi layihələrə imza atıb.

Visa (NYSE: V) rəqəmsal ödənişlər sahəsində dünya lideridir və dünyanın 200-dən çox ölkə və ərazisində istehlakçılar, biznes, maliyyə və hökumət təşkilatları arasında həyata keçirilən maliyyə əməliyyatlarını dəstəkləyir. Şirkətin missiyası innovativ, rahat, etibarlı və təhlükəsiz ödəmə şəbəkəsi vasitəsilə dünyanı birləşdirməklə istehlakçıların rifahına xidmət etmək, biznes və iqtisadiyyat üçün davamlı inkişaf imkanlarını təmin etməkdir.

Fuad Mədətov
Fins.az