Bloomberg Economics-in təbii dil emal alqoritmi tərəfindən hazırlanan və 60 mindən çox Fed xəbərini araşdıran Fedspeak Benchmark İndeksinə görə, FED sədri Jerome Powell bu həftə daha şahin bir çıxış edəcək.

Fins.az xəbər verir ki, Fedspeak Benchmark Index dekabr ayında Pauellin faiz dərəcələrinin azaldılması lehinə güvercin mesajlarına qayıtdığını ortaya qoydu.

Son həftələrdə gözləntilərin üzərində inflyasiya məlumatlarının alınması və Fed üzvlərinin sərt siyasətin davamı ilə bağlı gözləntilərini dilə gətirməsi ilə indeks apreldə ən aşağı səviyyədən yuxarıya doğru getdi.

Bununla belə, indeksin hələ dekabr ayı səviyyəsindən çox uzaqda olması FED-in şahin tonunun təzəcə başladığını göstərir.

Bu arada, bazarlarda FED-in faiz endirimi ilə bağlı sual “nə vaxt olacaq?” sualına çevrilir. Swap bazarlarında 2024-cü ildə yalnız bir faiz endirimi qiymətləndi.

Günel Məlikzadə
Fins.az