FED, Amerika iqtisadiyyatındakı mövcud vəziyyətin qiymətləndirilməsini özündə əks etdirən "Bej Kitab" hesabatının aprel sayını dərc etdi.

Fins.az xəbər verir ki, bankın 12 filialının təhlili ilə hazırlanan hesabatda fevralın sonundan etibarən ümumi iqtisadi fəallığın "bir qədər" artdığı bildirilir.

Hesabatda istehlakçı xərclərinin ümumilikdə demək olar ki, artım olmadığı, bir çox təhlillərdə istehlakçıların qiymət həssaslığının yüksək olması səbəbindən diskresion xərclərdə zəifliyin qeyd edildiyi qeyd edilib.

Hesabatda qeyd olunub ki, yaxşılaşdırılmış ehtiyatlar və dilerlərin təşviqi sayəsində bəzi bölgələrdə avtomobil xərcləri əhəmiyyətli dərəcədə artıb, lakin digər bölgələrdə satışlar durğun olaraq qalıb.

Hesabatda turizm fəaliyyətinin orta hesabla mülayim artım göstərdiyi və istehsal fəaliyyətinin bir qədər azaldığı, qeyri-maliyyə xidmət sahələrində isə cüzi artım olduğu və bank kreditlərinin təqribən sabit qaldığı bildirilib.

Əksər bölgələrdə yaşayış binalarının tikintisinin bir qədər artdığı, ev satışının gücləndiyi, qeyri-yaşayış tikintisində durğunluq, kommersiya daşınmaz əmlakının icarəsində isə cüzi azalma olduğu bildirilib.

FED-in hesabatında iqtisadi perspektivin ehtiyatlı optimist olduğu vurğulanıb.

Günel Məlikzadə
Fins.az