VTB (Azərbaycan) nağd pul krediti üzrə faiz dərəcəsini 0,5 faiz bəndi azaldaraq illik 10,49%-ə endirib. Eyni zamanda, kreditin maksimal məbləği 50 min manatadək yüksəldib. Ötən ilin sonuna bankın bu seqment üzrə kredit portfeli 6% artaraq 74,8 milyon manata çatıb.

Fins.az xəbər verir ki, nağd kredit 300 manatdan 50 min manatadək, 1 aydan 59 ayadək müddətə verilir. Krediti SİMA İmza-dan istifadə etməklə rəsmiləşdirdikdə 1 faiz bəndinə qədər endirim tətbiq olunur. Müştərilər yenidən maliyyələşdirmə proqramı çərçivəsində digər bankların bir neçə kreditini birləşdirə və ya aşağı faizlə əlavə vəsait əldə edə bilərlər. Kampaniya 31 may tarixinədək etibarlıdır.

«Nağd kreditləri bankımızın pərakəndə satış seqmentinin əsasını təşkil edir. Ötən ilin nəticələrinə uyğun olaraq bankın ölkə üzrə kredit portfelinin həcmi 6% artaraq 74,8 milyon manata çatıb. Kredit şərtlərinin yenilənməsi tələbatın artmasına və əhalinin istehlak və ticarət fəallığının artmasına kömək edəcək», - deyə, VTB (Azərbaycan)-ın İdarə Heyətinin üzvü, Pərakəndə Biznesin İnkişafı Departamentinin direktoru Yevgeni Borodin bildirib.

Nağd pul kreditindən yararlanmaq üçün həm yeni, həm də mövcud müştərilər, VTB (Azərbaycan)-ın rəsmi saytında nağd pul krediti seçməli, ərizə doldurmalı, video identifikasiyadan keçməli, bankın qərarını gözləməli və SİMA İmza-dan istifadə etməklə sənədləri imzalamalıdır. Kredit verilmə proseduru başa çatdıqdan sonra vəsait borcalanın hesabına dərhal köçürüləcəkdir.