Yapı Kredi-nin 650 milyon dollarlıq subordinasiyalı istiqraz buraxılışı xarici investorlardan 2,4 milyard dollardan çox tələb aldı.

Fins.az xəbər verir ki, sözügedən əməliyyatın ölkə iqtisadiyyatına və Yapı Krediyə olan etibarın mühüm göstəricisi olduğunu ifadə edən Yapı Kredi CEO-su Gökhan Erün deyib:

“Biz ölkəmizə və bankımıza olan etimadı beynəlxalq səviyyədə təsdiq etməyə davam edirik. Keçən ilin birinci yarısında reallaşdırdığımız 580 milyon dollarlıq ilk sosial sindikasiya kreditimizi zəlzələ fəlakətindən zərər çəkmiş əyalətlərdə müştərilərimizin xarici ticarətin maliyyələşdirilməsinə yönəltdik. Yenə də davamlı maliyyə sahəsində lider rolumuzla keçən il 500 milyon dollarlıq ilk davamlı avrobond emissiyamızı həyata keçirdik. Sözügedən əməliyyat emissiya məbləğinə tələbatın iki qatından çoxunu aldı. Davam edən prosesdə biz sözügedən avrobond əməliyyatına 300 milyon dollarlıq əlavə emissiya əlavə etdik. Bundan əlavə, ilin ikinci yarısında verdiyimiz 755 milyon dollarlıq sindikatlaşdırılmış krediti davamlılıq mövzusunda ixrac müştərilərimizə təqdim etdik. Nəhayət, Yapı Kredi olaraq, güclü kapital mövqeyimizi qorumaq və bütün sahələrdə liderlik missiyamıza uyğun olaraq sağlam balans strukturumuzu daha da təkmilləşdirmək üçün 650 milyon dollarlıq subordinasiyalı istiqrazların buraxılışını uğurla başa çatdırmaqdan qürur duyuruq. Sövdələşməyə göstərilən yüksək maraq iqtisadiyyatımıza və Bankımıza olan inamı nümayiş etdirdiyi üçün böyük əhəmiyyət kəsb edir. “80-ci ilimizə qədəm qoyduğumuz 2024-cü ildə ölkəmiz iqtisadiyyatına dəyər qatmaq üçün əzmlə işləməyə davam edəcəyik”.

Yapı Kredinin subordinasiyalı istiqraz emissiyasında ADCB, Citibank, JP Morgan, MUFG, SMBC və Standard Chartered iştirak etmişdir.

Günel Məlikzadə
Fins.az