Ölkənin aparıcı korporativ maliyyə institutu olan “PAŞA Bank”ın yüksək gəlirli şəxslər üçün xidmət göstərən “PASHA Private Banking” xüsusi depozit təklif edir.
Bankdan Fins.az-a bildirilib ki, Azərbaycan manatı ilə yerləşdirilən yeni depozit məbləğlərinin faizi illik 8%-ə qaldırılıb. Eyni zamanda “PASHA Private Banking” tərəfindən təqdim olunan çoxsaylı üstünlüklərdən yararlanmaq da mümkündür. 100 000 ABŞ dollarından başlayaraq yerləşdirilən depozitlər üçün isə, müddət və məbləğə görə illik 3% gəlir əldə etmək mümkündür. Qoyulan depozitlərin təhlükəsizliyinə Bank tərəfindən kapital zəmanəti verilir. Eksklüziv şərtlər müəyyən bir müddət üçün, yeni cəlb olunan depozit hesablarına tətbiq olunur.
"PAŞA Bank"da minimal 100 000 AZN/USD məbləğində depozit yerləşdirən şəxslər birbaşa “PASHA Private Banking” müştəriləri hesab edilir və həmin müştərilər təqdim olunan bütün xüsusi üstünlüklər və imtiyazlardan yararlanmaq imkanı əldə edir. “PASHA Private Banking”in xidmətlərinə müştəriləri fərqli hiss etdirəcək fərdi yanaşma, bütün bank proseslərini idarə edəcək şəxsi müştəri meneceri, peşəkar maliyyə komandasından investisiyalar üzrə məsləhət xidməti, böyük partnyor şəbəkəsindən eksklüziv təkliflər, həmçinin bir sıra bank xidmətlərində endirimli və ya ödənişsiz təkliflər daxildir. “PASHA Private Banking”in təqdim etdiyi xidmət və məhsullar müştərilərin həyatını asanlaşdırmağa, ən əsası isə sərvətləri üçün yeni üfüqləri kəşf etməyə kömək edir.
Müştərilər Bankda depozit yerləşdirməklə mövcud hesablarını “PASHA Private Banking”ə keçirə, hesabları olmadığı təqdirdə isə yeni premium-sinif hesab aça bilərlər. Depozit məbləğindən asılı olaraq müştərilərə depozit qutuları da təqdim olunur.
Qeyd edək ki, 2010-cu ildə fəaliyyətə başlayan “PASHA Private Banking” Azərbaycan bazarında yüksək gəlirli şəxslər üçün xidmət göstərən ilk qurumdur, son illər ərzində bir sıra nüfuzlu beynəlxalq mükafatlar çərçivəsində “Ən yaxşı Private Banking xidmətləri təqdim edən bank”, “Ən yaxşı investisiya bankı”, “Ən yaxşı bank qrupu” nominasiyalarında fərqləndirilib.
“PASHA Private Banking” müştərisi olmaq və yüksək gəlirli müştərilər üçün nəzərdə tutulan bütün xidmətlərdən, məhsullardan və xüsusi üstünlüklərdən yararlanmaq üçün //pashaprivate.az veb-saytına keçid edə və ya *1230 nömrəsi ilə əlaqə saxlaya bilərsiniz.
