Avropa Mərkəzi Bankının (AMB) üzvü Robert Holzmann, ECB-nin inflyasiya ilə bağlı diqqətli olması və lazım gəldikdə faizləri yenidən artırmağa hazır olması lazım olduğunu ifadə edərək, faiz dərəcələrinin yaxın zamanda aşağı salınmayacağı ilə bağlı xəbərdarlıq edib.

Fins.az "Reuters"in məlumatına istinadən xəbər verir ki, Holzmann konfrans zamanı jurnalistlərə deyib: "Çox diqqətli olmağımız lazım olduğunu düşünənlərlə qəti şəkildə razıyam, lazım gələrsə, yenidən eskalasiyaya hazır olmalıyıq və əlbəttə ki, qələbəni çox erkən elan etməməliyik. Biz ayıq olmalıyıq".

ECB yüksək inflyasiya ilə mübarizə aparmaq üçün 2022-ci ilin iyul ayından etibarən faiz dərəcələrini ümumilikdə 4,5 bənd artırmışdı. Bununla belə, rekord borclanma xərcləri iqtisadiyyata təsir göstərməyə başladığı üçün ECB fasilə verməyi seçdi.

Maliyyə bazarları ECB-nin güclü ABŞ-dan fərqli olaraq tənəzzüllə üzləşən Avro Bölgəsi iqtisadiyyatını dəstəkləmək üçün faiz dərəcələrinin azaldılması ilə siyasəti yüngülləşdirən ilk böyük mərkəzi bank olacağını gözləyir.

Lakin Holzmann açıqlamaları ilə bu istiqamətdə gözləntiləri soyutmağa çalışıb.

Faiz endirimi gözləntiləri ilə bağlı Holzmann, "Faiz dərəcələrinin tezliklə azaldılmasını gözləməyin. Bu, sonunda olacaq, amma hələlik bunu görmürəm" dedi. 

Günel Məlikzadə
​Fins.az