Türkiyə Respublikasında baş verən zəlzələdə zərər çəkən sakinlərə yardımın birbaşa Ziraat Bank Azərbaycandan Türkiyə Daxili İşlər Nazirliyinin Təbii Fəlakət və Fövqəladə Hallar Agentliyinin (AFAD) hesabına köçürülməsi üçün Bankda qurumun AZN, TL, USD, EURO valyutalı hesabları açılmışdır.

Bu barədə Fins.Az-a bankdan məlumat verilib.

İanə etmək istəyən şəxslər vəsaiti artıq qeyd olunan hesablara da köçürə biləcəklər:

Nəzərinizə çatdırmaq istərdik ki, Ziraat Bank Azərbaycan həm filialları, həm də rəqəmsal platformaları vasitəsi ilə zəlzələdən zərər çəkənlər üçün köçürmələri fəlakətin baş verdiyi ilk gündən bəri komissiyasız və ƏDV-siz icra edir.

“Ziraat Bank Azərbaycan” ASC, Türkiyə Respublikasına məxsus, 159 illik tarixə malik olan “Ziraat Maliyyə Qrupu”-nun tərkib hissəsidir və Azərbaycan Respublikasının Mərkəzi Bankı tərəfindən verilmiş 30.12.2014-cü il tarixli 255 nömrəli lisenziya əsasında fəaliyyət göstərir. Bank korporativ və pərakəndə bankçılıq sahəsində məhsul və xidmətlərini Bakı, Gəncə və Sumqayıt şəhərlərində yerləşən ümumi 7 filialı ilə yanaşı, rəqəmsal satış və xidmət platformaları üzərindən də müştərilərə təqdim edir.  

Bankın təqdim etdiyi məhsul və xidmətlər haqqında daha ətraflı məlumatı, Bankın Facebook, Instagram, Twitter, Linkedin sosial media hesablarından və ya *9229 qısa nömrəsinə zəng edərək əldə edə bilərsiniz.