İqtisadiyyat Nazirliyinin Sahibkarlığın İnkişafı Fondunun nümayəndələri “Sahibkarların və vətəndaşların bank xidmətləri ilə əlaqədar mövcud problemləri” mövzusunda onlayn ictimai görüşdə iştirak ediblər.

Fins.az xəbər verir ki, Azərbaycan Milli QHT Forumu İctimai Nəzarət Mərkəzi tərəfindən təşkil edilmiş, sahibkar, dövlət qurumu, vətəndaş cəmiyyəti institutları, bank və kredit təşkilatlarının 100-dən çox nümayəndəsinin iştirak etdiyi görüşdə Fondun İdarə Heyəti sədrinin müavini Arif Vəliməmmədov çıxış edib.

İctimai müzakirə zamanı pandemiya dövründə və Vətən müharibəsi nəticəsində yaranmış şəraitdə vətəndaşlara və sahibkarlara göstərilən dövlət dəstəyi, həmçinin banklar tərəfindən həyata keçirilən adekvat tədbirlər barədə geniş məlumat verilib. Görüşdə sahibkarların maliyyə resurslarına çıxışında qarşılaşdığı məsələlər və onların həlli yolları ilə bağlı təkliflər səsləndirilib, banklar tərəfindən göstərilən xidmətlərin təkmilləşdirilməsində vətəndaşlar və sahibkarlarla  qarşılıqlı dialoqun önəmi qeyd olunub, bu cür tədbirlərin mütəmadi olaraq təşkil olunacağı bildirilib.