İpoteka və Kredit Zəmanət Fondu 2019-cu ili 18,641 milyon manat mənfəətlə başa vurub.

Fins.az xəbər verir ki, bu barədə İpoteka və Kredit Zəmanət Fondu məlumat yayımlayıb 

Məlumatda bildilir ki, bu göstərici 2018-ci ilə nisbətən 3,5% azdır.

Belə ki, ötən il İKZF-nin faiz gəlirləri 44,963 milyon manat (əvvəlki ilə nisbətən 6,3% az), faiz xərcləri 18,827 milyon manat (8,1% çox), dəyərsizləşmə üzrə zərəri 455 min manat (56,2% az), haqq və komissiya xərcləri 1,137 milyon manat (əvvəlki il gəlir olub), digər gəlirləri 1,293 milyon manat (11,3% az), insan resursları üzrə xərcləri 4,344 milyon manat (21,8% çox), inzibati və digər xərcləri isə 2,852 milyon manat (61%% çox) təşkil edib.

Bu il yanvarın 1-nə İKZF-nin aktivləri 1 406,159 milyon manat olub ki, bu da illik müqayisədə 10,15% çoxdur. Bunun 998,079 milyon manatı ipoteka kreditləridir. 2019-cu ildə Fondun kredit portfeli 11,5% böyüyüb.

Hesabat dövründə İKZF-in öhdəlikləri 1,4% artaraq 754,278 milyon manata, o cümlədən borc öhdəlikləri 5,4% artaraq 728,92 milyon manata, balans kapitalı isə 22,4% artaraq 651,781 milyon manata, o cümlədən nizamnamə kapitalı 21,5% artaraq 566 milyon manata çatıb.