Fevralın 13-də keçirilən valyuta hərracında manatın orta çəkili məzənnəsi 1,7 AZN/$1 təşkil edib. Fins.az xəbər verir ki,bu barədə Azərbaycan Mərkəzi Bankından (AMB) məlumat verilib.

“Bu gün AMB Dövlət Neft Fondunun iştirakı ilə valyuta hərracı keçirib. Hərracda manatın orta çəkili məzənnəsi 1,7 AZN/$1 səviyyəsində formalaşıb”, - deyə AMB-nin məlumatında bildirilir.

AMB 2017-ci il yanvarın 12-dən etibarən yeni formatda hərrac mexanizminin tətbiqinə başlayıb. Hərrac birtərəfli valyuta satışı formasında və rəqabətli qaydada keçirilir və sifarişlər ən yüksək qiymətdən ən aşağı qiymətə doğru təmin edilir.