Finss.az - 2022-ci ildə İsveçrənin Federal Enerji İdarəsi (SFOE) nüfuzlu tədqiqat şirkəti Infras-a iqlim dəyişikliyi kontekstində mühüm bir sual ünvanlamışdı:

"Benzinlə işləyən avtomobildən elektrik avtomobilinə keçmək iqlim mühafizəsi baxımından effektivdirmi?"

Tədqiqat 2024-cü ilin payızında yekunlaşıb təqdim edildikdə, nəticələr aydın olmuşdur. Mövcud benzin və dizel mühərrikli nəqliyyat vasitələrinin 90%-dən çoxunun elektrik avtomobilləri ilə əvəz olunması karbon qazı (CO₂) emissiyalarının əhəmiyyətli dərəcədə azalmasına gətirib çıxaracaq.

Lakin gözlənilməz şəkildə, Federal Enerji İdarəsi tədqiqat nəticələrini ictimaiyyətə açıqlamağa qərar verməyib və bu barədə susqunluq saxlayıb. Bu qərərin səbəbi rəsmi olaraq açıqlanmasa da, Electrek nəşrinin jurnalistləri bunun İsveçrənin bank sektoruna xidmət edən neft hasilatçı ölkələrin güclü lobbisi ilə əlaqəli olduğunu bildirirlər.

Bu hadisə həm ekoloji cəhətdən, həm də enerji siyasəti baxımından ciddi suallar doğurur. Elektrik avtomobillərinin ətraf mühitə təsirinin aşağı olması artıq elm tərəfindən sübut olunub və belə nəticələrin gizlədilməsi iqlim dəyişikliklərinə qarşı mübarizədə maneə yarada bilər.

İsveçrə nümunəsi digər ölkələr üçün də diqqət mərkəzindədir, çünki enerji keçidi və yaşıl texnologiyaların inkişafı qlobal əhəmiyyət kəsb edir.