Yenilənmiş "Volkswagen Golf GTI" mexaniki transmissiyanı itirsə də, 2.0 TSI turbomühərrikinin gücü 245-dən 265 at gücünə artırılıb. "GTI Clubsport versiyasında mühərrik gücü dəyişməyib və əvvəlki kimi 300 at gücü və 400 Nm hasil edir.

Fins.az xarici mətbuata istinadən xəbər verir ki, hetçbek yeddi pilləli DSG transmissiyası və elektron idarə olunan differensial kilidi ilə təchiz olunub. Nürburqrinq üçün xüsusi "Special" rejimi asqıları trekdə istifadə zamanı yumşaldır.

"GTI Clubsport" yığılmış hava girişləri olan bamperi ilə adi "GTI" versiyasından fərqlənir. Standart 19 düymlük təkər diskləri ilə təchiz olunur, əlavə ödəniş müqabilində yüngül döymə təkər diskləri sifariş etmək olar. Arxa tərəfdəki böyük spoyler və böyüdülmüş çıxış boruları saxlanılıb.

Avropada satışlar oktyabr ayında başlayacaq və baza versiyası Almaniyada 44,500 avroya (82,000 AZN) satılır.

Fuad Mədətov
Fins.az