ABŞ-ın elektrikli avtomobil istehsalçısı Tesla şirkətinin sahibi İlon Mask, avtopilot texnologiyasının təkmil versiyası olan avtonom idarəetmə texnologiyasını işə salmaq üçün Çində siyasi rəsmilərlə görüşüb.

Fins.az xəbər verir ki, ölkənin Nazirlər Kabineti kimi fəaliyyət göstərən Dövlət Şurasının verdiyi açıqlamaya görə, Mask Pekində Çinin Baş naziri Li Jiang ilə görüşüb.

Görüş zamanı Baş nazir Li Çinin geniş miqyaslı bazarının hər zaman xarici şirkətlər üçün açıq olacağını bəyan edib. Onların bazara daha çox çıxış və daha yaxşı xidmət təminatı təmin edəcəklərini vurğulayıb.

Li, Teslanın Şanxayda qurduğu "giqa fabriki"nin və ölkədəki satış uğurunun Çin və ABŞ arasında iqtisadi və ticari əməkdaşlığın "uğur nümunəsi" olduğunu da deyib.

Günel Məlikzadə
Fins.az