Bu dəfə Tesla avtonom sürücülük proqramı ilə bağlı çox təəccüblü bir qərar verdi. 

Fins.az xəbər verir ki, Tesla bu dəfə avtonom sürücülük proqramları ilə bağlı verdiyi qərarla danışılır. Full Self-Driving (FSD) adlı proqram təminatının qiymətində ciddi endirim olacağı bildirilir. Beləliklə, proqram təminatının daha əlçatan olacağı və daha çox avtomobildə istifadə olunacağı gözlənilir.

Bu günə qədər Amerika və Kanada bazarlarında təxminən 12 min dollara satılan FSD, 4 min dollar endirimlə 8 min dollar yeni qiymət etiketi ilə rəsmi olaraq satışa çıxarılacaq. 

Son zamanlar bir çox modellərində qiymətlərdə ciddi endirimlər edən şirkət daha çox istifadəçini cəlb etməyi hədəfləyir. Elektrikli avtomobil sənayesində tələbatın azalması və bir çox rəqib brendlərin ortaya çıxması da bu qərarın qəbul edilməsində mühüm amil kimi önə çıxır. Davamlı olaraq inkişaf etdirilən FSD tam avtonom idarəetmə vəd etməsə də, rahatlıq baxımından həmkarlarından daha yaxşı təcrübə təqdim edir.

Son zamanlar xoşagəlməz qəzalarla gündəmə gələn avtonom idarəetmə texnologiyasının bu endirimlə əvvəlki populyarlığını bərpa edə biləcəyi düşünülür. Vəziyyəti yaxından izləyən Tesla CEO-su İlon Maskın açıqlaması maraqla gözlənilir. Ümid edirik ki, bütün bu inkişaflar günün sonunda istifadəçilərə fayda verəcəkdir.

Günel Məlikzadə
Fins.az