Kaliforniya dairə prokurorluğundan verilən açıqlamada, San Joaquin bölgəsində şirkətə qarşı edilən şikayətin təhlükəli tullantıların atılması, tullantıların saxlanması və idarə edilməsi ilə bağlı qanunların pozulması ilə bağlı olduğu bildirildi.

Fins.az xəbər verir ki, avtomobil xidmət mərkəzlərində, enerji mərkəzlərində və bir fabrikdə təhlükəli tullantılarla bağlı qanuna əməl etmədiyi iddia edilən Teslanın istintaqla əməkdaşlıq etdiyi və məhkəməyə gətirilən qanunlara uyğunluğu artırmaq üçün hərəkətə keçdiyi ifadə edildi. 

İşdə tərəflər arasında uzlaşmanın əldə olunduğu bildirilsə də, müqavilə çərçivəsində şirkətə cərimələr, istintaq xərcləri, işçilərin təhsili və tullantıların yoxlanılması üçün 200 min dollar ödəməsi tələb edilib.

"Elektrikli nəqliyyat vasitələri ətraf mühitin abadlaşdırılmasında rol oynayır, lakin onların istehsalı və saxlanmasının zərərli tullantılar yaratdığını etiraf etmək lazımdır" dedi San Joaquin rayon prokuroru Ron Freitas. 

Kaliforniyada təxminən 57 avtomobil xidmət mərkəzi və 18 günəş enerjisi obyekti olan Tesla, San-Fransisko ştatının Fremont şəhərində elektrik avtomobilləri istehsal edir.

Günel Məlikzadə
Fins.az