Geely-nin alt-brend Galaxy dekabr ayında elan etdiyi ilk tam elektrik modeli E8-i təqdim etdi. 25.000 dollardan aşağı qiymətə satışa təqdim edilən Galaxy E8 sedanı şık görünüşü və güclü texnoloji infrastrukturu ilə ultra rəqabətli Çin bazarında güclü rəqib kimi çıxış etməyə hazırlaşır.

Fins.az xəbər verir ki, Galaxy-nin ilk elektrik modeli dekabrın ortalarında 26.400 dollardan başlayan ilkin sifariş qiyməti ilə təqdim edildi. Bu gün E8 rəsmi olaraq Çində 24,700 dollara satışa çıxarıldı, hətta reklam ediləndən də aşağı.

Geely-nin Sustainable Experience Architecture (SEA) platformasında hazırlanmış Galaxy E8-in uzunluğu 5010 mm, eni 1920 mm, hündürlüyü 1465 mm və təkər bazası 2925 mm-dir. Avtomobilin sürtünmə əmsalı təsir edici bir dəyərdir.

Galaxy E8 400 Volt arxitekturaya malik iki batareya variantına malikdir. Birincisi, 62 kVt/saat LFP  (litium dəmir fosfat) akkumulyatoru və  arxa oxda yerləşən 272 at gücündə elektrik mühərriki olan versiyadır. NEDC ölçmələrinə görə  bu versiyanın məsafəsi 550 km olaraq göstərilir. İkinci versiya  76 kVt/saat daha böyük batareyaya malikdir. Motor gücü kiçik batareya modeli ilə eynidir. Bu versiyada  uçuş məsafəsi 665 km- ə qədər artır. Galaxy E8 həmçinin  800 Volt arxitektura modelinə  malikdir. 76 kVt/saat tutumlu akkumulyatora malik olan bu model  öndə 224 at gücündə və arxada 421 at gücündə iki mühərriklə gəlir. Avtomobilin hərəkət məsafəsi tək mühərriklə eynidir: 665 km. 

5 fərqli versiyası olan avtomobilin 24.700 dollardan 32.150 dollara kimi qiymət aralığı var. Olduqca rəqabətli qiymətə malik olan avtomobil, hətta üst versiyada da münasib qiymətini qoruyub saxlamağı bacarır. Tesla Model S, Volkswagen ID.7, Nio ET7  kimi rəqibləri olan Galaxy E8 , təklifləri və qiyməti ilə çox səs-küy salacaq kimi görünür.

Günel Məlikzadə
Fins.az