Lancia geri qayıdır! Stellantis çətiri altında yenidən çiçək açan marka bir müddətdir tizerlər və fərqli xəbərlərlə gündəmimizdə olub. Brendin yalnız İtaliyada satdığı Ypsilon modeli transformasiyanın öncüsü olacaq. Stellantis qrupuna aid CMP platformasına keçəcək model premium EV olmağı hədəfləyir.

Fins.az xarici KİV-ə istinadən xəbər verir ki, uzun müddətdir haqqında danışdığımız model nəhayət ilk dəfə casuslarımızın kadrına düşüb. Peugeot 208 və Opel Corsa kimi qohumları ilə oxşar mexaniki quruluşu paylaşacağına inandığımız yeni Ypsilon fərqli dizaynı ilə diqqət çəkəcək.

Test vasitəsi ciddi şəkildə kamuflyaj edilmiş olsa da, ümumi xətlərin Pu+Ra HPE konseptindən götürüldüyünü görə bilərik. Lancia-nın gələcək dizayn dilini işıqlandıran konsept yeni modellərdə mövcud olmağa davam edəcək. Lakin konseptdə gördüyümüz klassik “qub” dizaynı bu prototipdə görünmür.

Arxa hissədə daha diqqət çəkən detallar var. Məsələn, hər iki tərəfdən C sütununa geniş bantlar yapışdıraraq "bir şey" gizlətməyə cəhd edildi. Baqajın qapağındakı spoyler də diqqəti cəlb edir. Əlbəttə ki, bütün bu dizaynın dəyişməyə açıq olduğunu söyləmək lazımdır.

Günel Məlikzadə
​Fins.az