Avtomobil nəhəngi SAIC tərəfindən istehsal olunan tanınmış İngilis avtomobil markası MG (Morris Garages) elektrik mobillik və yüksək texnologiyalı modellərə innovativ yanaşması ilə dünya miqyasında diqqəti cəlb etməyə davam edir. 

Fins.az xarici KİV-ə istinadən xəbər verir ki, markanın C seqmentindəki elektrik modeli olan MG4 Electric ilə əldə etdiyi sürət, satış rəqəmlərində də aydın görünür. Dünyanın qabaqcıl avtomobil məlumat platformalarından biri olan Marklines tərəfindən açıqlanan məlumatlara görə, MG4 Electric ilk 9 aylıq dövrdə Avropada 51 min 660 ədəd satış rəqəminə çatdı. Bu satış performansı ilə MG4 Electric Avropada öz sinfinin ən çox satılan elektrik avtomobili oldu.

İlin ilk 9 ayında 50 min ədəddən çox satışı ilə MG4 Electric elektrik C seqmentində 14 model arasında 25 faiz bazar payına çataraq, İngiltərə və Türkiyə daxil olmaqla bütün Avropa ölkələri arasında ən çox satılan model oldu. 

MG4 Electric Euro NCAP-dan 5 ulduzla təhlükəsizliyini sübut edir; 50-50 faiz çəki nisbəti, müxtəlif yol şəraitinə uyğun 5 fərqli sürmə rejimi və arxa təkərli quruluşu ilə yüksək sürmə həzzini təmin edir. Cəmi 110 mm hündürlüyü ilə öz sinfinin ən nazik akkumulyatoruna sahib olan MG4 Electric beləliklə öz sinfinin ən yüngül avtomobillərindən birinə çevrilir, Modul Ölçəklənən Platforma isə kabin genişliyinə artan təsir göstərir. Bu, MG4 Electric-in xoş idarə etmə qabiliyyətini artırır və yüksək səmərəlilik səviyyəsini təmin edir.

Günel Məlikzadə
Fins.az