Skoda D seqmentində özünün superb flaqman modeli olan yeni nəsli təqdim etdi. Skoda Superb-in dördüncü nəsli indiki nəsil kimi sedan və Combi universal versiyalarında təqdim olunacaq.

Fins.az Bloomberg-ə istinadən xəbər verir ki, yenilənmiş dizaynı ilə daha incələşən dördüncü nəsil Superb, səkkizguşəli Skoda barmaqlığı, kapotdakı Skoda loqosu və daha axıcı dizaynı ilə diqqət çəkir. Markanın yeni "Modern Solid" dizayn dilinin elementlərini tamamilə yeni Superb modelinə gətirən Skoda, kristal detallarla tamamlanan yeni LED Matrix fənərləri və LED arxa işıqlandırması ilə diqqət çəkir.

Yeni Superb əvvəlki nəsildən daha uzun və daha yüksək olmaq üçün hazırlanmışdır. Əvvəlki nəsillə eyni təkər bazası 2841 mm olan yeni Superb-in sedan versiyasında uzunluğu 4912 mm (+43 mm), hündürlüyü 1481 mm (+12 mm) və eni 1849 mm-dir.

İçərisində daha geniş yaşayış sahəsi təklif edən yeni Superb-in onsuz da iddialı olan baqaj həcmi sedan versiyada 20 litr artaraq 645 litrə, Kombidə isə 30 litr artaraq 690 litrə çatıb.

Günel Məlikzadə
Fins.az