Fins.az xarici mətbuata istinadən xəbər verir ki, Ford Motor Company-nin üçüncü rübün maliyyə hesabatında şirkətin elektrik avtomobilləri (EV) bölməsində itkilər aşkar edilib. Bu itkilərin əsas səbəbləri tələbatın azalması və ilin əvvəlində Tesla-nın başlatdığı elektrikli avtomobil qiymət savaşıdır.

Ford üçüncü rübdə 20,962 elektrikli avtomobil satdı və ilk növbədə Mustang Mach-E istehsalının artması sayəsində General Motors-u cüzi fərqlə geridə qoydu. Mach-E satışları üçüncü rübdə 42,5% artıb, təkcə sentyabr ayında 5872 ədəd satılıb.

Bununla belə, artan satış rəqəmlərinə baxmayaraq, üçüncü rübdə Fordun EV bölməsində itkilər artıb. Şirkət 1,3 milyard dollarlıq əməliyyat zərəri açıqlayıb. Bu məbləğ əvvəlki rübdə 1,1 milyard dollar itkini üstələyib və 2022-ci ilin eyni dövrü ilə müqayisədə iki dəfədən çox olub.

Bu o deməkdir ki, Ford rüb ərzində hər elektrikli avtomobil üçün təxminən 36.000 dollar itirmişdir; Bu, ikinci rübdə təxmin edilən 32,350 dollar itkisini üstələyir. Ford ilin sonuna qədər öz EV bölməsi üçün ümumi itkilərin 4,5 milyard dollar olacağını gözləyir.

Ford itkini "növbəti nəsil EV-lərə davamlı investisiyalar və çətin bazar şərtləri" ilə əlaqələndirdi. Bundan əlavə, şirkət qeyd etdi ki, "Şimali Amerikada bir çox müştəri benzin və ya hibrid avtomobillərdən daha çox elektrikli avtomobillər üçün pul ödəmək istəmir." Bu, EV qiymətlərinə və gəlirliliyə təzyiq göstərir.

Murad Abdullayev
Fins.az