Türkiyə İxracatçılar Məclisinin (TİM) məlumatlarına görə, ötən ay ən çox ixracat reallaşdıran sektor avtomobil sənayesi olub.

Fins.az "Bloomberg"ə istinadən xəbər verir ki, ötən ay 2 milyard 738 milyon dollarlıq ixracat əldə edən avtomobil sənayesini 2 milyard 665 milyon dollarla kimya və məmulatları, 1 milyard 674 milyon dollarla hazır geyim və konfeksiyon məhsulları izlədi.

Avqustda 1472 şirkət ilk dəfə ixrac edib.

Avqust ayında ixracatda ən yüksək artım 293,3 % ilə gəmi, yaxta və xidmət sahələrində qeydə alınıb.

Türkiyənin ötən ay cəmi ixracatının 81,9 %-ni reallaşdıran sənaye qrupunda ixracat 0,3%  azalaraq 15 milyard 204 milyon dollar oldu. Qeyd olunan dövrdə ümumi ixracın 15,4 %-ni təşkil edən kənd təsərrüfatı qrupunda ixrac 3,4 % artaraq 2 milyard 854 milyon dollar,  ümumi ixracatda 2,7% paya sahib mədənçıxarma qrupunda isə 16,2 % azalaraq 496 milyon 750 min dollar olub.

Ən çox ixrac Almaniyaya edilib

Avqust ayında ən çox ixracat edən ölkələr 1 milyard 511 milyon dollarla Almaniya, 1 milyard 99 milyon dollarla ABŞ və 980 milyon 26 min dollarla Böyük Britaniya olub.

İllər əsasında ən çox xarici satışlar 7 milyard 951 milyon dollarla İstanbul, 1 milyard 492 milyon dollarla Kocaeli və 1 milyard 363 milyon dollarla Bursa oldu.

Zəminə Hüseyn
Fins.az