Elektrikli avtomobil şirkəti Rivian ABŞ-ın İllinoys ştatındakı istehsal müəssisəsində 13 992 elektrik avtomobili istehsal edib və 12 640 avtomobil təhvil verib.

Fins.az "Bloomberg"ə istinadən xəbər verir ki, İllinoys ştatının Normal şəhərindəki istehsal müəssisələrində satış məlumatları, elektrik nəqliyyat vasitələrinin tədarük zəncirinin problemlərinin sıx olduğu keçən ilin eyni dövrü ilə müqayisədə tədarüklərin təxminən üç dəfə artdığını göstərib. 

Bu rəqəmlər şirkətin gözləntilərinə uyğun olmaqda davam edir. Şirkət həmçinin 2023-cü ilin ikinci rübü üçün maliyyə nəticələrini avqustun 8-də açıqlayacağını bildirib.

Elektrikli avtomobil istehsalçısı Rivian Automotive, müştərilərin Tesla Supercharger şəbəkəsindən istifadə etməsi üçün Teslanın doldurma standartından istifadə etməyə razılaşdığını qeyd edib.

Onu da qeyd edək ki, Rivian Automotive istifadəçilərinin 2024-cü ilin yazında ABŞ və Kanadada 12.000 Tesla Supercharger doldurma stansiyasından istifadə etməyə başlayacağı gözlənilir.

Leyla Fikrətqızı 
Fins.az

.