Ümumi dəyəri təxminən 37 milyard $ olan "Porsche" avtomobil brendi "Brand Finance"-in "Luxury Premium 50" reytinqinə əsasən, ən qiymətli lüks brendlərin reytinqində növbəti dəfə lider olub.

Fins.az xəbər verir ki, hesabatda qeyd edilir ki, 36.759 milyard $ dəyərində brend (9% artaraq) altıncı ildir ki, reytinqdə birinci yerdədir.

İkinci yerdə illik müqayisədə dəyəri 12% artaraq 26.29 milyard $ olan "Louis Vuitton" şirkəti qərarlaşıb, "Chanel" isə dəyərinin 27% artması ilə (19.386 milyard $ ) dördüncü yerdən üçüncü yerə yüksəlib. "Gucci" dördüncü yerə düşüb, dəyəri 1% azalaraq 17.839 milyard $ dəyərində qiymətləndirilir. "Hermes" beşinci yerdə qalıb (14.165 milyard $, 5% artım).

"Dior" yeddinci yerdən altıncı yerə yüksəldi, indi brendin dəyəri keçən illə müqayisədə 46% artaraq 13.152 milyard $ qiymətləndirilir. "Cartier" altıncı yerdən yeddinci yerə düşüb (12.538 milyard $, 1% artım), "Rolex" isə 28% artaraq 10.711 milyard $ dəyərində səkkizinci yeri qoruyub. "Tiffany Co" on birdən doqquzuncu yerə yüksəldi (7.433 milyard $, artım 10%), "Ferrari" isə onuncu yerə düşüb (7.424 milyard, 8% azalma).

"Lamborghini", dəyəri 123% artaraq 4.1 milyard $-a yüksələrək, bir il əvvəl 30-cu yerdən 18-ci yerə yüksələrək ən sürətlə böyüyən brend olub.

Reytinqdə yer alan 50 şirkətdən 12-si Fransa, 15-i İtaliya, 6-sı İsveçrə, 5-i isə ABŞ və Böyük Britaniyadan olub.