Ford, yeni nəsil elektrikli minik avtomobilləri istehsal edəcək yüksək texnologiyalı istehsal müəssisəsi olan Köln Elektrikli Vasitə Mərkəzini açdı.

Fins.az "Bloomberg"ə istinadən xəbər verir ki, 125 hektar ərazidə inşa edilən, illik istehsal gücü 250 mindən çox elektrik avtomobili olan, yüksək səmərəlilik üçün nəzərdə tutulmuş obyekt, yeni istehsal xətti, akkumulyatorların yığılması xətti, ən müasir alətlər və avtomatlaşdırma sistemləri ilə təchiz edilib.

Köln Elektrikli Vasitə Mərkəzi, Fordun ilk qlobal miqyasda açılmış karbon neytral istehsal müəssisəsi olaraq 2035-ci ilə qədər şirkətin bütün zavod, logistika əməliyyatları və Avropada birbaşa təchizatçı izi üzrə karbon neytrallığına dair öhdəliyini dəstəkləyəcək.

Zəminə Hüseyn
Fins.az