2024-cü ilin aprelində Kruda yığılan W12 mühərrikinin erası başa çatacaqdır – Bentley brendinin ikonaya çevrilmiş 6,0-litrlik turbomühərriki yerini V6 və V8 mühərriklərinə əsaslanan hibrid güc qurğularına verəcəkdir.

Fins.az xəbər verir ki, Bentley əfsanəvi mühərriki layiqli şəkildə yola salmaq üçün, kapotunun altında 660 at qüvvəli mühərrik olan məhdud seriyadan olan Speed Edition 12 modellərini buraxacaqdır. Avtomobil ilə birlikdə, alıcı daha bir W12 mühərrikini alacaqdır - ancaq bu əsl mühərrik deyil, onun miqyaslı modeli olacaqdır.

Bentley Speed Edition 12 xəttinin sahibləri üçün yaddaqalan hədiyyə də nəzərdə tutulub – bu, real W12 mühərrikinin 15% miqyasında hazırlanış modelidir. İstehsalçı tamölçülü W12 mühərrikinin silindr blokundan götürülmüş alüminiumdan hazırlanmış miniatür mühərrikin əsl güc aqreqatını tam şəkildə təkrarlayacağını, ofis və ya evdə iş masası, dolab və ya rəf üçün əla bəzək olacağını vəd edir.