Dünyanın aparıcı media vasitələrinin təmsilçiləri bu gündən başlayaraq Fransada möhtəşəm tədbirdə yeni Rolls-Royce Phantom II Seriyanın təqdimatından zövq almaq imkanları olacaq.
“Phantom Rendezvous”, yeni Phantom üçün Qlobal “Press Drive”, Aralıq dənizi sahilində yerləşən və Monakoya baxan “Roquebrune-Cap-Martin” şəhərindəki “Maybourne Riviera” otelində keçirilir. Dünyanın hər yerindən dəvət olunmuş qonaqlar, mayın ortalarında rəsmi olaraq təqdim edilən markanın zirvə məhsulunun ən yeni təcəssümü olan avtomobili sürmək imkanı əldə edəcəklər.
Qonaqlar həmçinin “Maybourne Riviera” otelində nümayiş etdiriləcək iki möhtəşəm “Bespoke Phantom”-a baxa biləcəklər. Phantom Platino, qiymətli metallar silsiləsindən olan, platinin gümüşü-ağ rəngi şərəfinə adlandırılıb, ön oturacaqların incə Rolls-Royce dərisindən, arxa oturacaqların isə dəbdəbəli parça ilə örtülməsi ilə markanın yaranma günlərini əks etdirir. Markanın vətənpərvər müştəriləri üçün yaranan “Great British Phantom”, “Magma Red” rəngi ilə örtülmüş və “Qalereyada” Birlik Bayrağından ilhamlanan fərdiləşdirilmiş sənət əsərini təqdim edir.
Rolls-Royce Phantom lüks dünyasının ən zirvəsində misilsiz bir mövqe tutur. Müştərilərin istəklərinə uyğun olaraq, Phantom II Seriya yalnız yüngül toxunuşlu vizual və estetik təkmilləşdirmələri özündə birləşdirir. Məsələn, “Panteon” radiator barmaqlığında edilən incə həndəsi dəyişiklik 'RR' “Şərəf Nişanı” və “Ekstaz Ruhu” heykəlciyini ön tərəfdən baxanda daha qabarıq edir. Barmaqlığın özü işıqlandırılır, faralar isə lazerlə kəsilmiş “bezel” ulduzlu fənərlər ilə bəzədilib - Phantom-un gecə vaxtı görünüşünə əlavə gözəllik qatır.
Fransız Rivierası Rolls-Royce ilə XX-ci əsrin birinci hissəsindən, “Kot d'Azur” özünü “Belle Epoque” dövrünün aktyorları, rəssamları, musiqiçiləri və digər zəngin və tanınmış insanların sevimli məkanı kimi tanıdığı vaxtdan bəri əlaqələndirilir. Şirkət üçün güclü tarixi rezonans da var: 1912-ci ildə ser Henri Roys “Le Canadel” kəndində “La Mimoza” adlı villa tikdi və sonradan 1933-cü ildə ölümünə qədər hər qışı burada keçirdi.
TEXNİKİ XÜSUSİYYƏTLƏR
• Phantom II Seriya: NEDC birləşdirilmiş: CO2 emissiyaları: 345 q/km; Yanacaq sərfiyyatı: 18,7 mpg / 15,1 l/100km. WLTP birləşdirilmiş: CO2 emissiyaları: 351-362 q/km; Yanacaq sərfiyyatı: 17,7-18,2 mpg / 15,5-16,0 l/100km.
• Phantom Extended II Seriya: NEDC birləşdirilmiş: CO2 emissiyaları: 345 q/km; Yanacaq sərfiyyatı: 18,7 mpg / 15,1 l/100km. WLTP birləşdirilmiş: CO2 emissiyaları: 353-365 q/km; Yanacaq sərfiyyatı: 17,4-18,1 mpg / 15,6-16,2 l/100km.
