11-ci nəsil Honda Civic sedanının təqdimatından bir neçə ay keçdikdən sonra, yapon istehsalçısı beşqapılı Civic hetçbekini təqdim edib. Hetçbek də sedan ilə eyni reseptə əsasən hazırlanıb, lakin ciddi fərqlərsiz ötüşməyib.

Honda Civic sedanı ənənəv olaraq Kanadada istehsal olunur, lakin hetçbek ABŞ-da yığılacaqdır. Ən maraqlısı odur ki, Honda nümayəndələri hetçbekin kupeşəkilli profilinin avropalı “sportbəklərdən” ilham alınaraq yaradıldığını bildirirlər. Yeri gəlmişkən, Civic ailsəində artıq əsl kupe olmayacaqdır, səbəb isə bəllidir – tələbatın az olması.