North American Car and Truck of the Year müsabiqəsinin münsiflər heyəti qısa siyahıya daxil olan modellərin adlarını açıqlayıb.
Əsas mükafat uğrunda üç asiya avtomobili - Genesis G80, Hyundai Elantra və Nissan Sentra mübarizə aparacaqlar. Bu modellər yüksək xalları toplamağa müvəffəq olublar. "Şimali Amerikanın ən yaxşı utilitar avtomobili" nominasiyasında mübarizə Ford Mustang Mach-E, Genesis GV80 və Land Rover Defender modelləri arasında gedəcəkdir. İlin ən yaxşı yük avtomobili adı uğrunda isə, yalnız amerikan modelləri - Ford F-150, Jeep Gladiator Mojave və Ram 1500 TRX pikapları yarışacaqdırlar.
Qaliblər avtomobil jurnalistlərindən ibarət olan münsiflər heyəti tərəfindən seçiləcəklər. Yarışmanın nəticələri 2021-ci ilin əvvəlində elan ediləcək və 11 yanvar tarixində açıqlanacaqdır.